السلام عليكم ورحمة الله وبركاته
وبعد
هذا مالدي ويبقى مالديكم
[poem=font="simplified arabic,5,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بديتي ترهقين عروق قلبي والصبر والروح =
=تغربتي وانا بعدك غريب وضايق ٍ بالي
أراقب بيتك اللي بالسواد السرمدي ممسوح=
=مابين ابيوت ملاك المصانع خاوي ٍ خالي
بقايا مابقى لك في مهب العاصفة مطروح=
=اذا عاثت بها غبر الهبايب تصفق الجالي
اراقبها خفا والقلب يرجف والدمع مسفوح=
=اذا حاولت الم اشتات بيتك ماتهيالي
من اللي شغلهم هدم الثقة والترفقة والبوح=
=بمالا يستساغ من الكلام الساذج البالي
نحت فيك الدراسة يالمثير الناعم المملوح=
=دوافعك الثقافة والرقي والمستوى العالي
وانا لازلت اكابد غيبتك مع لوعتي وانوح=
=انفذ مابرمته من عهود اعراض واطوالي
يصبرني دموع ٍ تغتشيك وصوتك المبحوح=
=ليامني سمعته من غلاك اضم جوالي
انا مالي بغيرك رغبة ٍ تذكر ولامصلوح=
=من اجلك تارك ٍ نصف المتاع وعايش الحالي
تساورني مخاوف والفرح في خافقي مذبوح=
=من هموم ٍ تدك ضلوع قلبي ناحل ٍ حالي
متى ترجع لشخص عاش مع ربعه بليا روح=
=ليا عايشك ذكرى جاه فيض الدمع منهالي
ترى الواقع مرير وخافقي من واقعي مجروح=
=واذا طول غيابك في بلادك جيت لك جالي
[/poem]