منتديات المرقاب الأدبية - عرض مشاركة واحدة

08-11-2009, 02:35 AM

.

يَاقَلْب كلّكْ وفا رغْم التّعَبْ وَ الطّعُون
تعِـيش بَ العِزّ ، لو تَبقَى جرُوحكْ دَهَرْ

مَاغَيّرتْك الامُور الخَافِيَهْ وَ الظّنُون
بَ السّرْ تُوفي وَلا يخْفِي وفَاك الجَهَرْ

حَزَنْت بفْرَاق مِنْ مَسْكَنْه وسْط العيُون
اللّي غِيَابَه مَاعَاد ، ايّام والاّ شَهَرْ

اللّه يَرْحَمْ لَكنّ النّاس ، مَايَرْحَمُون
الحزْن وَاضِح وش اللّي بَ الخَفَا ماظَهَرْ

قسيت بَالبعْد ، يَ الْغَايِبْ و قَلْبكْ حَنُون
ليتِكْ ضميت الْوَصِلْ ، وآجيك كلِّي نَهَرْ

مِنْ لاَمِنِي لاَ شَعَرْت بْ انْهِيَار وْ جنُون
دامِكْ شَريت الغِيَاب ، وْ بعْتِني للسَّهَرْ

أحبّكْ العمْر كلّهْ ، و اوْعِدكْ ، مَا أخُون
شُوف الزّمَنْ مسْتلمْ عمْري لـجَرْحَهْ مَهَر

أنَا رجُلْ - طيحتَهْ مَا هِيب - شَيٍّ يهُون
خَانَتْه الايّام - وبْعينَهْ - دمُوع القَهَرْ

عَزِيز نَفْس ، وْ مَعَ اللّي بَ القِسَى || يَثْبتُون ||
و || عِزّةْ النّفْس || ، هَالايّام ، كَسْرَةْ ظَهَرْ

.