:
:
[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
سيداتي آنساتي سادتي = اسمعوا هذا الخبر .. فيما يلي :
مستحيل انّي أغيّر عادتي = فالطباع اللي عَلي ، واللي إلي
هذا انا ، من جيت يوم ولادتي = والحزن ماكنّه الا ، من هلي
اتضايق ، واشتكي لوسادتي = ومين غير وسادتي يفهم علي ؟
غير بعض اشيا ، تروح لغادتي = حايلَت وجه الزمن مالدّ لي
في علاقاتي .. تموت اشادتي = وفي صداقاتي .. لحق خالد ، علي
الزمن .. ماهوب حسب ارادتي = والجزا .. ماهو على قد عملي
حظي السئ .. خيوط صمادتي = وقلبي الطيّب .. سبب في مقتلي
واحمد الله ، مافقدت قيادتي = شايلٍ حملي على ظهر جملي
ما استتر نقصي ، بثوب زيادتي = ولابكى علمي .. على بعض جهلي
هذا انا واقف بوجه إبادتي = تمسح افراحي على راس زعلي
راضي بنفسي ، وفرض سيادتي = والله الوالي ولاغيره ولي[/poem]
:
:
|