إهداء للبناخي اللي ينومس : غازي بن بشير بن مخلد الذيابي


[poem=font="Simplified Arabic,6,black,normal,normal" bkcolor="transparent" bkimage="backgrounds/18.gif" border="outset,6,gray" type=2 line=0 align=center use=ex num="0,black""]
مايرتكي للدعاوي فالنهار العسير=الا شجيع ٍ من أفعاله تهابه عداه

اللي للأجناب والاقراب فعّال خير=ومن دوّره فيْ الشـدايد وانتخابه! لقاه

هذاك راع الكرم والطيب غازي بشير= بيت الوفا اللي عن الحاجه يذرّي ذراه

فعله لربعه هل الطاله يشوق النظير=يفنون مامـنهم اللي فعل غازي نساه

غازي ليا قارنوبه فيْ الرياجـيل غير=من بينهم لاغرابه عالي ٍ مستواه

اِخطاه من صغر سنّه للمراجل تسير =إسمه ينومس ولن عدّوه يكرم نباه

حرٍّ الياهدّ! ماحوله حرار ٍ تطير=وصفه! وصوف الحرار الشقر توصف علاه

علاه من وصف مخلد بالحلايا كثـير=الدين والحلم والأخلاق والانتباه

جَدِّه عزيز الجناب اللي مقامه كبير=عطر المجالس ليا جاب الحديث الرواه

وأبوه سيف ٍعلى الاخصام حَدّه شطير=بشير! كم ماقف ٍ يوم المداحم حماه

بشير يوم المعاند فيْ النهار الخطير=يبـين فعله ولد مخلد بكل اِتجاه

خلاّ شياطين خلق اللْه تواجه مصـير=الضعف والخوف يوم العلم جا منتهاه

وارجع وأقول الك ياغازي بدافع ضمير=فعلك هواللي صحيح من البـناخي نَباه

مركزك الأول وغارك بالعدد فيْ الأخـير=يوم الضعيّف مدوّر فزعته مالقاه

اقول لك يالبـناخي يابو وجه ٍ ســفير=يفـداك من لافعل فعلك تجاه أقرباه[/poem]