منتديات المرقاب الأدبية - عرض مشاركة واحدة

20-11-2009, 08:44 AM

يا سعود خـلّ المصـوّر يحـرق الصـوره
الأصـل محـفـوظ والـصـوره خيالـيّـه
..

و قلّ للعروبه .. مـا قصّرتـي و مشكـوره
والله يـرحــم معـانـيـك الحقيـقـيّـه
..
جاء للرياضـه فـي بلـدان العـرب ثـوره
ويوم أحتمت فاضـت الـروح الرياضيّـه !
..
تسببّـت دوشـه وهوشـه علـى الـكـوره
بين الجزايـر ومصـر .. أزمـه سياسيّـه
..
كـل ٍ زهـم للسفيـر وسـجـلّ شـعـوره
وبـان الخلـل فـي العـلاقـات الثنائـيّـه
..
فريـق مصـر أنهـزم وأنهـان جمهـوره
وقامـت عليـه الجزايـر تـدبـل الكـيّـه
..
وحسني مبـارك نشـب صوتـه بحنجـوره
وعبدالعزيـز أبـو تفليقـه رقـص غـيّـه
..
تخرطـم الوضـع والخـرطـوم مـعـذوره
لا حـاولـت تحـكـم الـوضـع بحيـاديّـه
..
يـا طيبنـا فـي بعـض والحـال مخبـوره
قاداتنـا مـا تـجـوز عــن الحـزازيّـه
..
مـدام هـاذي فعايلـنـا عـلـى الـكـوره
يا تـلّ أبيـب آمنـي والقـدس منسيّـه !!

لـ / سداح