الحقيقه ان السيريلاك بالتمر والعسل ................. خيالي مايحتاج







انا اخذ الحجم الكبير من صيدليات النهدي ................





للورعان ولبو الورعان ............... خاصة اذا تم مزجه مع الشاي ............ يذكرني بالتيحه والكراده


وتعرفون هالأيام الورعان مايبون احد يخاشرهم في شي مدري حسد ولا وشو............ صارت ام العيال تسوي صحنين الصحن البلاستك الصغير لهم ويروحن في غرفه والصحن الغضار الكبير الي .... وروح في غرفه لحالي عشان مايشوفوني ولا الشغل لهم براعم وطيور الجنه اربهم يدلهون ...

الحقيقه بحكم تجربتي مع السيريلاك لمدة ست سنوات بالرغم من اول ماعرفه ... اكتشفت امور كثيره


1- يساعدك في اتمام وجبه سريعة التحضير ماتاخذ منك دقيقه اذا كانت ام العيال زعلانه ماتبي تسوي غدا
2- تتظاهر بأنك زعلان ماتبي اكل وانك مقاطع المنتجات البيتوتيه ثم تلتف بسرعة البرق لأتمام مهمتك ( ملاحظه لابد من اخفاء مظاهر الجريمه على الشدوق)
3- لايرهقك في غسل بعض الأواني بعد الأنتهاء ( راس المال ملعقه وصحن ويمكن الإستغناء عن الملعقه بالأصبع ) فجزاء الله اسلافنا خير كانو يقولون عنه لحاس القدور