ميثاء

توقيع سداح والله يرد له الغايب بالسلامه


غبتي وقام الغيـاب يحـرّك أشواقـي
عليك .. والفقد مدخلنـي تحـت كمّـه
/


بدا مزاجي يشيـن وخربـت أخلاقـي
وأصبحت من غيبتك مانيب أخو شمّـه
/
لا مرّ طيفك وأنا واقف علـى ساقـي
أطيـح وأخطيـه قبـل أقـوم وأخمّـه
/
أستقبل العيـد مـا طبيّـت الأسواقـي
العيد من دون شوفك يـا ثقـل دمّـه
/
يا الرقم الأصعب ما بين أرقام عشّاقـي
يا القلب الأطهر ما بين قلوب هالأمّـه
/
يا أول غلا شالني وأستوطن أعماقـي
مـلاذ قلبـي ليـا منّـه شكـى همّـه
/
يا الراس الأغلى في كلّ الروس والباقي
لو عدّت القمّه .. أنتـي قمّـة القمّـه
/
ياروح روحي وساس المنـزل الراقـي
يا اللي عليك المفاخـر جـات ملتمّـه
/
أي والله أني في حبّك كاشف أوراقـي
ومشاعري فيك طول الوقـت مهتمّـه
/
من غيبتك والهموم أفـواج وأطباقـي
ما بـي ولا جارحـه ماهيـب منسمّـه
/
الله يعيـدك بخيـر لعيـن مشتـاقـي
وعساك من عايديـن العيـد يـا يمّـه