محاورة بين الشاعرين حبيّب العازمي والشاعر سعود الزعبي ،
وهي جرت بينهما في مدينة الخفجي في تاريخ 18/11/1417 هـ .


[poet font="Simplified Arabic,4,black,normal,normal" bkcolor="transparent" bkimage="" border="solid,4,black" type=0 line=200% align=center use=ex length=0 char="" num="0,black" filter=""]
حبيّب
بعد جينا وشاركنا هل الأفراح=ياسلامي على الخفجي وأهاليها
واسرْ ياليل والباقي كثر ماراح=رحلةٍ يكمل أولها وتاليها
سعود
مرحبا عد برقٍ في مزونه لاح=درّج الرجل وانظر في مواطيها
السوالف لطيفة والقدر مافاح=كم بيوت القصيدة يامغنيها

حبيّب
ودنا كل ما زاد التعب نرتاح=مار دعوىً عسى ربي يسويها
وأنت جعلك بصحة والقلوب اصحاح=والقصيدة تقيمّها معانيها

سعود
لو يقابلك عنتر في نهار صياح=تطلع الخنجرة وألاّ تخفّيها
ياحبيّب لقانا القفل والمفتاح=مار ودّْ السوالف يامودّيها

حبيّب
أطعنه وأجرحه بالمخلب الجرّاح=وأنت هاذي على غير تمشّيها
شدّْ نصّْ العصا يالراعي المصلاح=قالوا اللّي يسرّحها يضوّيها

سعود
ياحبيّب عليكم هبّت الأرياح=والصبيّة تبعّد لا تحاكيها
اترك المشكلة للدّكْتَرْ الجرّاح=روح ياعمها مدري بناخيها

حبيّب
الصبيّة تغازل والهوى فضاّح=وأتركّد وأضحكها وأبكّيها
يمكن التيّن فـ الخفجي يجي تفاح!=دبرة الله وأنا وش حيلتي فيها؟

سعود
يوم شفتك (تزحلف) كنّك التمساح=ماهقيت إنّك بشكلك ترضّيها
لو حصل ماحصل سعر الذهب ماطاح=وَأَهَلْ العرف ماتهدم مبانيها

حبيّب
لو تشاهد عيونك لوح قالت لاح!=خلّت القرن عقدة بين أذانيها
ياسعود المكاسب كنها الأرباح=كل رمية علاقتها براميها

سعود
لو تزيح البحر ياصاحبي ما انزاح=كل ماشفت سهلة تنسدح فيها!
امسح البحْر وتشوف الدرر طفّاح=ياحليْل العلوم اللي تغنّيها

حبيّب
نعرف إن البحر مايغرق السبّاح=والجبال الرواسي من يدربيها
سلموا لي على شليويح ابن شلاّح=ثم شرق الجزيرة لا يخليها

سعود
أنت رجلٍ نحيف وفي يدك مسباح=والسواليف ماتعرف قوافيها
ابن شلاّح برّد زندك القدّاح=أصحب القوم ما تقدر تعاديها

حبيّب
ليت كبر الجروم يقصّر الأرواح=وانتريّح من السمنة وطاريها
ابن شلاّح يوم إنه وقف ماطاح=وأنت واقف تخمخمها وتخطيها!

سعود
ضاع فكرك وحيلك في حصاة ارزاح=ثابتة وأنت ماتقدر تدربيها
لا ضحكنا وغنينا علوم امزاح=ضاقت أصحابنا وش لون نرضيها؟!
[/poet]

سنين العمر مقفيةٍ مطاياها
بعضها راح في عقل وبعضها غي!

ماغير ابحث عن الحكمة ولا القاها
والاول ماترك للي خلافه شيء✋
.....

....

...

..

.