[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
طاعت الله والرسول المبين للدروب = ترتبط شرعاً معا طاعت اولات الامر
والملك حبه وحب الوطن وسط القلوب= والقلوب البيض من دونهم موتٍ حمر
كل شعب المملكة كلمته عند الغروب = ترخص الروح العزيزة ولا يرخص شبر
والله انك ياملكنا مقرب ومحبوب = كلنا لك جيش واحد بدو ولا حضر
المعادي لاتمادا وعيا لايتوب = مرحبابه والشهاده لنا عز وفخر
والنصر عادات الابطال لاشبت شبوب= والفخر والعز بين الشهادة والنصر
ياامير المؤمنين الطم الخد الكذوب = يرجع الي نيته في بلدنا بالغدر
قوت الجيش احضرو للتحدي والحروب = لو معا الحوثي ملايين حوثي ماظفر
اختلط عج البواريد في عرض النصوب = مادرا هي جاتله من سما ولا بحر
كان طاع الشور واذعن ولا جر الذنوب = غير من دور بيبطي وعظمه ماجبر
الهقاوي كم توهق مغرر ومغصوب = مايحصل عندنا الا الغبينه والقهر
شرهة الحد الجنوبي على ارجال الجنوب = وادري انهم فالقا مايهابون الخطر
من يخون الدار يلبس سواد العار ثوب = عقب الي حط داره لعدوان ممر
راية التوحيد ترفع ويطرقها الهبوب = رفرفي ياراية العز والهافي جحر
في وطنا قبلة المسلمين امن الشعوب =والدعاه الي على نهج ابو بكر وعمر
من بغا الجنة ونفسه على الجنه تذوب = يتّبع سنة محمد ويبشر بالسفر
[/poem]