من باب وش قصتك ،



[poem=font="Traditional Arabic,6,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
من غير لا تنشد عن أحوالي= بإذن الكريم الواحد الوالي
طيب ومتعافي ولا بي لون= وآسوق رجلي سوق وبّالي
لا شفتها حادت عن دروبي= عرفت علتها من نعالي
ما أصيح وأزبد لأجل عانوني= ادرس وأشوف أسباب غربالي
ماني بمعصومٍ ولا مكلوف= حملي واشيله دوم بلحالي
الناس تبغى من يراضيها= ورأسي علاه شماغ وعقالي
فلينتي ضاقت وثوبي ضاق= سمنان ووزني زايدٍ تالي
كرشي يروم المجد من صغره= واليوم فال الله ولا فالي
كنه يبى يقلع من احشايه = والخام واقف له بالاقفالي
لاسرت يسبقني من الطنخه= ياصل قبل لا آصل لعمالي
كنه عقيد القوم يمشي بي= وأنا تبيع له بجوالي
لا شفت لي عيشه تشهييني= ردد على صوته يا منهالي
افهم على الشاره وألبيّها= من خوف لا يحرمني اعيالي
ارخص له البنزين والموتر= واقول تامر يا هوى بالي
كم لي بطن يشبهك يا بطني= أنت الوحيد المترف السالي
ما قد رقدت الا وراضيتك= ولا قد سرحت بجوفك الخالي
اجاهد الحرمه وازعلها= لا قصرت في قدرك العالي
لو شفت لك ما شفت بالدنيا= اضمن ولائي وازهل اموالي
حرام لدحم لين احقق لك= لو هو ثمين ومطلبٍ غالي
رضاك غايتنا وتبريري= إنك تشيل النفس بريالي
وان كان تجحدني بــ(قيلونك) = ما شك راع الفول بـ/اقوالي[/poem]


واكرمكم الله ،