شعور عن شي من واقع جدّه , تقبلوها كما جاءت

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
على طاري الأمطار ومتابع الامطار = تذكّرت يوم ٍ مرّ ماانساه ياجدّه !
علومه تناقلها الصحافه عن الاخبار = وذكراه تبقى في نفوس البشر مدّه !
نهاره يقول اليوم / يا انهاية المشوار = وسماه اصبحت من هول مافيه مسوّده!
يحّن الرعد / ماكنّه الا مدوّر ثار = ويجود السحاب ابماه والسيل له عدّه !
اشوف الشوارع كنها من مطره انهار = واقول الفرج يالله يافارج الشدّه !
ياكم شخص من هول الحدث واقفٍ محتار = يقلّب كفوفه / والعباير على خدّه !
كوارث وشي ٍ صار ماضن مثله صار = يجّف الحبر لوجيت ابا احصيه واعدّه !
لكن ماحصل عبره لمن يعتبر وأنذار = وكل ٍ ماياجد غير ماحاشته يدّه !
نبا حصر للاضرار يالجنة الاضرار = ترى (حي شرق الخط ) حاله على قدّه !
من الواقع اللي عايشه يلفت الانظار = عليهم زمنهم شن هجمات مرتدّه !
مصابه كبير وهمّه اكبر من الاعذار = وجرحه عميق وحظّه اللي وقف ضدّه !
نقل هم سدّ بحيرة الصرف لا ينهار = مايامن يحفر الفار فالسّد ويهدّه !
( تضيع الامانه ) كل ماباحت الاسرار = وصدر الزمن من عظمها بيّحت سدّه!
لاتسأل عن المليون واللي غدى مليار = صعيبه على اللي يرخي الحبل ويشدّه !
ظلمت البحر ياقايل انّ البحر غدار = ليا ابعدت عن جزره يبا يلحقك مدّه !
تحاول / لكنكـ , منت سالم من الاقدار = ماتاسعك طول الارض لو قلت ممتدّه !
عليكـ , الليالي دايره والفلك دوّار = ولابد الصحيح ايصّح للناس / لابدّه !


[/poem]

mrm@mergab.com