[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سرقت وقتك و وقتك اعرف انه ثمين = وياكم من الوقت سرقاتك ولا اعلنتها
في ليلة العيد قاف الشعر عزفه يبين = ومشاعري في بيوت الشعر دونتها
مابين شيب العوارض هو والحاجبين = نظرات عين بسهرها ما تمعنتها
واسرج خيالي واهجرس من زمرّد وطين = ومن العصور القديمه كيف ضمّنتها
ياسامر الليل طرق القاف ساسه متين = ياكم من اسرار حرف امانته صنتها
و يوم اخلط الجد مزح امسح به دموع عين = في عالمٍ كثرت الهزّل وسمنتها
ما امدح به النفس والله شاهد ولي عوين = ياكم صعاب على غيري وهونتها
صحيح ماشبت من كبري ولكن سنين = ما اخذت منها الديون ولا تدينتها
و الذاكره كل ما افترت تزيد الحنين = على السنين الخوالي يوم عاينتها
وفي ليلة العيد عايدتك بقافٍ سمين = و قصايدي ماتهان ونفس ما هنتها
لعل عيدك يعود بنصر للمسلمين = وسعادتك في حصون العز سكّنتها [/poem]
|