لـ المبدع / غلاب بن عايض
استوحش الصمت في غابة اسود الكلام
واصبح اسير القلوب وجرّح احساسهـا
لوكان عنده لسان يقص صلب العظـام
ولا يبني الكلمه الا من علـى ساسهـا
لكن عن مايسئ لمن وثق فيـه صـام
والناس منطوقهـا يخبـرك باجناسهـا
ويارب انا تبت عن درب الهوى والغرام
مشاعـري فالمحبـه تعلـن افلاسهـا
كم ليل غازل عيون اهل المحبـه ونـام
مايدري ان المغـازل يسـرق نعاسهـا
ماعاد بك يا قفص صدر المولع حمـام
والارض عرض السما ما يكتم أنفاسها
وكم عين فيها كلامٍ مات قبـل الفطـام
وكم كلمةٍ ضاق خاطرها من (اقواسهـا)
وكم ليلٍ ابيض من وجيهٍ كشفها الظلام
تصلخ وتطبخ وتشرب من مرق فاسهـا
لولا وجود اللئام اصلا مايوجـد كـرام
للصعلكه نـاس والعفّـه لهـا ناسهـا
لاجف نبع الوفا يلحق ضميـرك مـلام
وشرهة قلوب البشر ترجع لـعساسهـا
دنياك مثل الرموح اللـي بليـا خطـام
من كان في ذيلها يصبح علـى راسهـا
والصبر ماله نتيجه بعـد شـد الحـزام
ولايدخل المعركه من لا لبـس طاسهـا
والطيب كنز العرب والمجد ذروة سنـام
واهـل التجـارب تقيّسهـا بمقياسهـا
..
|