حسبي الله الولي .. نعم الوكيل
كل من شاف العروس يقولها
كم يتيم .. وكم فقيد .. وكم قتيل
والأمانه ، ضايعٍ مسؤولها
شوهوا" جدّه " وحاضرها الجميل
شلةٍ.. تتبع نعش .. مقتولها
كل ماقلنا السبب .؟ ردّوه سيل .!
والسحابة من يردّ سيولها .!!
نعرف إنّه سيل ، لكنّ المسيل
كيف ضاق من البشر وفعولها .؟
من منحهم فيه جيلٍ .. بعد جيل
والمسايل .. ليه يبنى حولها .؟
والمشاريع الكثيره والقليل
ليه ماتمّت .. بحسب أصولها .؟
" مملكتنا " تنفق المال الجزيل
لأجل تطوير العمار يطولها
وبين مسؤل الوزارة والعميل
السيوله ضايعٍ مأكولها .!
شلةٍ تلهث ورى كسب الحصيل
والوطن مازاد من محصولها
ضيعوا كل الأمانه والدليل ..
.. " كارثة جدّه ".. نهار حلولها
بعد كنّا للمطر .. دايم ، نخيل
كرهونا .. فالسحب وهطولها !!
والأمل فاللي عسى عمره طويل
خادم الدوله وزحل زحولها
راعي الوقفات والفعل النبيل
صولته ما أحدٍ سواه يصولها
سيدي رأيه.. يحل المستحيل
والرساله ماكذب مرسولها
حسبي الله الولي نعم الوكيل
كل يوم نقولها .. ونقولها .!
ناصر تريحيب
تكلمت عن موضوع مهم
أسأل الله أن ينتشل بلادنا من لأيدي هؤلاء الحراميه
الذين وثقت بهم الدوله
ولكنهم لم يكونوا عند الثقه
دمت بخير
|