... ورع !
..
..
وجدتك في عيوني عالق كنّك براق الدمع
............................. وقلت ابرمشك واثري رمشت بهدهد احزاني
؛؛
بدأ ينقر بصدري لين جاله بالمحاني قرع
.............................. وانا أصوّت دخيلك كفّ نقرك لو على شاني
؛؛
ولا حتى رمش جفنه ؛ ولا كنّه لصوتي سمع
................................... مواصل ما بداه يدقّ له واحد ورى الثاني
؛؛
حرثني بالهموم يلين نبتت في ضلوعي زرع
............................................ فلاليحه مناجلها تعدّل ري وجداني
؛؛
وطالت بي نخيله لين عشّش في عذوق الطلع
.................................... جعل منها غذاه وسقيها من دوحة اعياني
؛؛
غدا لي حاكم طاغي تفنن في صنوف القمع
................................... على شعبٍ تربا في كنف طاغوت عدواني
؛؛
يا ليتي مارمشتك من عيوني يا غريب الطبع
.................................... تسلل في رموشي لين صبري منك خلاني
؛؛
انا احسبنْي تدينت وسليت وصرت رجل وَرع
..................................... أثاري لا بغيت اقاومك غلاك ما امداني
..
..
م.س.
|