المشاركة الأصلية كتبت بواسطة فراج الكرشمي
أخواني وأخواتي أعضاء منتدى المرقاب الشامخ
المعذرة على هذا الانقطاع وإليكم هذه المشاركة:
لاح بـــراق الحيــا من مزنـــة(ن)ملـــتفه
و (الحيا) لولا (الحياء) ماغاب عني طيفه
يــاربيــع القلــب يـــاغيث الحشــــا ياشفه
راح وســم العمـــر لايقفــــاه بكـره صيفه
إلحقـــه لاتتركـــه شهـــــــب السنين تدفه
للسنــــا قبـــل الفنـــا وانتــــه هواه وريفه
لـــد فيــه وحن له واعطـــف عليه وضفه
وانفردبــــه وانشـده عن قصته مع ضيفه
جيت واللــي جاء على باله مراســــم زفه
وغــاب عقلـــه ثانيــه وحده ماغاب بكيفه
شف بنفسك في غيابك من وقف في صفه
غـــير وجه(ن) كــل يوم يمر يكشف زيفه
عطــه مثل اللـــي عطا حتى تساوى الكفه
وانتبــه للجـاي واللي ضاع ضاع إرشيفه
ون بغــيت تعوضـــه وافــــي يارمز العفه
مــدة النفــس الكــريمه مــاتصير ضعيفه
لامسه في غيبتـــك من جــــور وقته حفه
ونقـــص مــاهو نقــص ربـــيه ولاتعريفه
فاقــد الحلـــم الثمــــين يجـــيه مثل الخفه
لـــوهو أثقـل من جبال طويق في تصنيفه
يحبطـــه لـــوم البلـــيد اللــي يعيش مرفه
والظـروف أقوى من أفكاره ومن تصريفه
شفـــت كيف الوقت دار وكيف أخذلـه لفه
والامـــال تعــود لـــو إن الظروف مخيفه
وياربيـــع القلـــب يــــاغيث الحشا ياشفه
راح وســـم العمـــر لايقفـاه بكره صيفه .
والله ان لي نص ساعه فالصفحه
لا طلعت ولا لقيت رد يناسب
صح لسانك يا فراج
استاذ
تقديري لك ،،