[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

مساء الخير ياريح الخزامى والنفل والشيح = مساء التمر وعذوق النخل والورد والساقي
سحابة خير ساقتها على رمل الظلوع الريح = تهز اغصان قلبي والندى ينساب لاوراقي
هلا لابارك الله في زمان الشح والتجريح = تعالي شوفي بعينك مكانك داخل اعماقي
لك الجمع الغفير معوّد كفوفه على التلويح = تزاحم في خفوقي لين طيّحني على اوراقي
وانا لو مانويت اطيح لعيون السما مااطيح = احب ادفع ثمن وبل المشاعر وآخذ الباقي
وضوحي غامض وباقي غموضي يقبل التوضيح = واسولف للفضا عن حزني اللي ياكل اشواقي
مشاريه الغلا تحبس زفير الناي فالتلميح = ويتسرّب من ظلوع اللحون احساس عشّاقي
سريت الليل والجمر يتواقد والقدور تفيح = على واجب غرامٍ في يده رعدي وبرّاقي
ذبحت اله السمان من السنين اللي سنين تصيح = تمنّى شفرةٍ حدّيتها في صخرة فراقي
طويل العمر يستاهل شعورٍ بالوداد يسيح = مداده فالورق قبل ازرق الحبر ازرق احداقي
طويل العمر بشته من حياه وسبحته تسبيح = طويل العمر كفّه من بحور ومنهجه راقي
طويل العمر عمره لو يطول يطوّل الترويح = لنفسٍ ماوصلها ماطر الغيمه من آفاقي
وانا لو مابغيته ماغدى سدّي عليه يبيح = ولا درّجت رجلي للصعايب وانجرح ساقي
[/poem]

ask me