منتديات المرقاب الأدبية - عرض مشاركة واحدة

21-12-2009, 03:52 AM

:

:

[poem=font="Traditional Arabic,5,black,bold,normal" bkcolor="transparent" bkimage="" border="double,3,black" type=1 line=1 align=right use=sp num="0,black""]
على الله تدبير الآمور وله التيسير=له الحمد والشكر وله الفضل والمنّه
ماللعبد غيره من صدوف الزمان مْجير=ولا له ملاذ الا له ليا ابتعد عنّه
الا يالله اني عبدٍ مْقرّ بالتقصير=بشر والبشر ماهوب سالم من الهنّه
يراودْه ذنبه كل ماهمّ بالتكفير=وليا جنّ ليلة وسّمت صدرة الونّه
ياكم زلّةٍ زليتها مالها تبرير=وياكم وياكم ذنبٍ اخفيه وآكنّه
نواياي بيض اي والله وناوي التغيير=لكنْ النوايا ماتوصّلني الجنّه
بلا عفوك ودبرتْك ياوالي التدبير=انا كيف ابا اقيّد هوى النفس وآعنّه
مسيكين تغريني سحابة تمر عصير=ولاغير دمعات الاسف تملي الشنّه
ولاامعنت بالتفكير واضناني التفكير=وميّزت فالحال وتساءلت وش كنّه؟!
يجي ناتج التفكير يحتاج للتفسير=واحير وظنوني فالحشا سيوف منسنّه
تسير القدم تبغى دروب النقا والخير=ولي نفس طمّاعه ولي نفس ممتنّه!
ونفس القنوع اليا تبعها تدلّه مير=ليا من غذاها بالطمع خيّبت ظنه![/poem]