[poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
احتسب يا شعري الموزون ما اطول صبرك =لك ثمان اسنين والجمره بجوفك حيه
كان وافتك المنيه فا انت تعرف قبرك =من ورا حدب الضلوع العوج بالمحميه
عشت في ذاتي ومالكني ولا اقدر هجرك =وان هجرتك زادت الكيه عليه كيه
جيت اعزي والبقاء لك عظم الله اجرك !=في وفاة الذائقه والحس والحنيه
ما بقى للشعر متذوق وانا اقول ! ابرك =كثرو الشعار كلٍ يخترع قافيه
راحو الجمهورفيها بس خبري خبرك=ما تقاس القافيه بالدبكه الشاميه!
انسى ! ادله ! كل ما شفته كلام مفبرك =ان بغيت الصدق ولا جيت لك بوخيه
انت في عيني عظيم ومعتلي يا كبرك =لا تنفستك ذكرت الكسره الجاويه
طب في سوق المعاني ونت تعرف شبرك =عودٍ ازرق ما يقاس الا على الاوقيه
للحمول الكايده يا مسندي ما يبرك =غير منهو يحتميها في نهار الهيه[/poem]
|