لـ الرائعه / ملاك الشعر
طاري الذكرى على روحي يمون
لـو تباعّـده السنيـن اللافيـة !
كل ماهلّت من افراحي مـزون
قلت يا ليل القلـوب الجافيـة !
كنت اغنّي لك على كل اللّحـون
ماتعاسـرت بغـلاك القافيـة !
دام مابينـي ولابينـك حصـون
ليه تبحث في العلـوم الخافيـة!
كل ماذقته من جروحـك يهـون
لـو تبادلنـي بنظـرة شافيـة !
انت لوتدري مكانك ف. العيـون
ماتخلينـي بدمعـي غافـيـة !
اروي الذكرى مثل ريّ الغصون
قبل لاتسري عليهـا السافيـة !
لاتساومنـيّ بخيبـات الظنـوّن
والله اني مـن نفـوسٍ وافيـة !
يامعذّبنـي تـرى هـذا جنـون
كيـف تقتلنـي وانـا متعافيـة !
مير لامنّـك تعجّلـت الطعـون
طعنـةٍ وحـدة تراهـا كافيـة !
..
|