اخذ لها صـورة ٍ فالبـال مطويـه
وافلهـا فـي خيالـي واتهجـاهـا
شاشة خيالي تعرض اطلالهـا ليـه
لين اني اقف على مرقـاب فرقاهـا
الشوق ناره لازالت فالحشـا حيـه
والبعد بسهومه اعيا النفس واضناها
اثر الهوى سطوته ماهـي بعاديـه
تمرض بها النفس لين تزور مثواها
اليا سطى بنظرة العيـن الحياويـه
يفلج ضلوع الصدور ويسهج حماها
هذي ضلوعي يادوب تضمها يديـه
من حربة ووداعها وفعـول يمناهـا
يمكن لو طعونهـا بالعيـن مرئيـه
تقدر تمد النظر مـع درب شلفاهـا
طيبّ طيبّ
صح لسانك ياجزل
وعساك سالم
أخوك /