جديده بعد طول غياب اتمنى ان تشفع لي عند من افتقدوني وتنال على استحسانهم ورضاهم
[poem=font="Simplified Arabic,5,chocolate,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
على غصون ضلوعي ان هبت التود = قلبي وراء عصون المحاني تهبه
نسناسها الاشواق والقلب عنقود = لومايميل مع الغلا الشوق جبه
اقيد الخطوات عن كل منقود = واجد وراها مع مساريك سبه
يقودني يمك رسن غايتي قود = لين اقتحم سورك بجيش المحبه
واخذك عزل الشيخ من خيرة الذود = بسيف(ن) قضاء للحب نبي ونبه
ماانته بورث(ن) كاسبه من ورى العود= درة غلا من دونها الموت غبه
اجيلها مفقود واروح مولود = واعاود الكره ولا ابي اتنبه
اجي وانا في كامل الجود موجود = ازل عمري كيف(ن) اشقر واصبه
اقدمه فنجال ماهو بمردود= اما شربه الضيف والايكبه
العمر مايسوى ثني مطرق العود= على الذراع وحضن صدر(ن) ولبه
لين يتشبع خافق(ن) منك ملهود=جرح(ن) بليا طيب بيديك طبه
بالليله الي كلها بروق ورعود= تجمع صخبها فالضلوع وتشبه
اسافر الف بلاد في عيونك السود = واكتب عناوين الغلا والمحبه
من كثر ماني فيك مغرم وموعود = مالي شبيه بليله(ن) ماتشبه
اشوفني بعيون الانذال محسود = وانا على مااشوف احسد المسبه
[/poem]