صباحكم كادي
بويتات كانت بالتوقيع , تقبلوها ..

[poem=font="simplified arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياحبيبي لا تضيق وخل صدرك لي شمالـي = ماهو بحقٍ تغيب وتزعل ان جيـت آتشـرّه
أكتم العبره بعيني لاصطفق جالـك بجالـي = ماجـداي الا أونّ وتتبـع الونـات جــرّه
كان قلبك ساليٍ قلبي ماهو بالبعـد سالـي = ذايقٍ حر الفـراق ولايعـه خيـره وشـرّه
يا وجودي وجد من دمعه على الخدين سالي = مقفيَه عنْه السعاده بالسنـه مـره تمـرّه
ارحلوا عنّه ربوعه يوم سد الديـن طالـي = ما قوا يلحق جزاهم وانغبن ثم مـات حـرّه
او وجود اللي توجّد يوم حاله مثـل حالـي = غارقٍ في بحر حبك ما لحق يرسـي في بـرّه
تلطمه امواج وقته لانطـق كلـك حلالـي = إيتصدد عن ردا حظـه ولا فكـر يطـرّه !
وآه من قلبٍ تعذّب بالهوى صاليـه صالـي = كن على رقبته سيوف البعد كل لحظه تكرّه
لو تضيع الحال منّك فدوتك حالـي ومالـي = ماعلي من الملامه عاذلي فرقـاك سـرّه
غاليٍ لوّك تغيب وفي حضورك انت غالـي = يا فداك اللي ملوّعه الهوى حلـوه ومـرّه[/poem]