اخواني واخواتي
السلام عليكم ورحمة الله
اتمنى قبول هالمتواضعه

[poem=font="Simplified Arabic,5,black,normal,normal" bkcolor="transparent" bkimage="" border="groove,4,gray" type=2 line=0 align=center use=ex num="0,black""]
يامن حباك الله من الزين ضدين=ملح وحلا لاعاد تذبح جمالك
بالغطرسه ومقابل المستحقين=للعطف باهمال النظر وانشغالك
ترى الهواويه ضعوف ومساكين=تمنعهم قيود الحيا عن سوالك
وانا صبرت اقوى من اقوى البعارين=على رجا رجعتك ماابغى بدالك
ابغاك تنسيني سنين العنا الشين=وتحرص على شوي وتدير بالك
واطير معك من الفرح بالجناحين=اللي منابت ريشها من وصالك
وارتاح واستانس مع المستريحين=واقول فيك من القصايد حلالك
اقول ماغيرك على اليابسه زين=بين البشر لكن كنك لحالك
وابني من احلامي على الارض برجين=وارقى على متن الخيال لخيالك
واثر البساطا فالهوى عاطفيين=باحلامهم تضيق كل المسالك
يفنون ماجابوا من الالف عشرين=وارواحهم يرمونها فالمهالك
وعلى وفاهم بالجفيّا مجازين=واقرب مثال انا تراني مثالك
بعد البطا والبعد والصبر والبين=ماقلت وشلونك ولاكيف حالك
حاولت ادوّر لك عذر مار من وين=والله ماكن اللي طرالي طرالك
[/poem]