يا سيد الحسن مالك في فؤادي شريك
بليتني بالمحبه فيك واشقيتني
حتى من الحب صرت اخاف منك وعليك
ياكثر خوفي من الله فيك لا جيتني
خوفي من الله في لحظة ملامس يديك
افقد شعوري ولا ادري وين وديتني
اضيع في وردك الي موطنه وجنتيك
واموت فالسلسبيل ومنه ما اسقيتني
واكرهك وشتاق لك واحن واموت فيك
وامرض وبالصد والهجران داويتني
حطيتك بقلب من زود الجفا يشتكيك
وكم لي ونا اسألك بالله وين حطيتني؟
تبي تقول اني اغلى من خوانك وابيك ؟
ماعاد يمديك دام انك تناسيتني!!
صد وتغلى وانا اقسم لك بربي ما اجيك
لكن تذكر زمانن فيه ناديتني !!
وذكر ليا طال ليلي بالعتاب احتريك
لاجيت اعاتبك داعبتك ولا ويتني !!
يوم الهوى في خفوقك نشوته تعتريك
بؤل لقا معك سريتك وسريتني
واليوم انا بين ابيك وبين ولله ما ابيك
وما بين صدك وبين اشلون حبيتني
|