شرفني اخوي شداد سياف العتيبي بالمشاركه في حفل زواجه وهو الذي تربطني به صداقه وجيره في نفس الوقت....وماهي الا مشاعر ليس الا... اتمنى ان تجد القبول


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
سلام تشريف ومعزه وتقدير= تقدير للي للكرامه دعاني

يوم الغلا والطيب له درب ويسير=بين النشاما طيبين المجاني

الجار له حق ومكانه وتوقير= وانا على شانه رسمت المعاني

سقت القدم وأزف طيب التباشير=صدق الشعور اللي نطق به لساني

كله على شان الوجيه المسافير=ربع" لهم قدر ومعزه وشاني

شداد شف ربعك لفو لك طوابير=كل" يقدم لك جزيل التهاني

وأصحابك اللي جو لحفلك مسايير= جو لك على حسب الوعد فالمكاني

يقدمون الك الوفاء والتعابير= من طيب مكنون الضلوع المحاني

من طيب حضك وانت تستاهل الخير = ومن طيب ابوك اللي على العز باني

شيخ" كريم وله مكانه مع الغير =مشهود له بالطيب ذرف اليماني

من لابة" وقت الملاقى مغاوير=يشهد لهم تاريخهم والزماني

وكل القبايل نعم من دون تقصير = من ينكر حقوق النشاما جباني

العز طاله والوفاء له معايير= والطيب مكسب بين قاصي وداني

والعمر فاني والمنايا مقادير= دربين ماللآدمي درب ثاني

واللي يمد الخير ويكثر الخير = يبشر بعلم الطيب لو كان فاني[/poem]