|
لبّيه يارايةً بالعز خفّاقه
احبتي في منتديات المرقاب الراقيه
السلام عليكم ورحمة الله وبركاته
جديدي أبيات من القلب
أرجو أن تتقبلوها مني وتعذروني على الغياب
[poem=font="Simplified Arabic,6,royalblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لبّيه يارايةً بالعز خفّاقه=كل الفناجيل دون حماك مشروبه
من دونك ارواحنا للموت مشتاقه=لو مايجي صوبنا حنا نجي صوبه
تاريخ مبني على التوحيد ميثاقه=ترويه الاجيال بالخفجي وبالخوبه
ياطيب معنى الفِدا لاجا على فاقه=ياحيّ داعي الجهاد وحيّ مندوبه
دايم جنود الفِدا للنصر توّاقه=يوم الجنوب إنتخى كلاً حذف ثوبه
كلاً يردّد صدى صوته من اعماقه=ماهي شعارات مقريّه ومكتوبه
واللي قرينه على درب الردا ساقه=يبشر بالإعدام وإلاّ يعلن التوبه
[/poem]
ثنتين ماتخضع لتدقيق وحسـاب
لنّ السعودي حطّها في حسابـه
الأوّله دستورنا شـرع وكتـاب
نمشي على نهج النبي والصحابه
والثانيه حب الوطن قبل الاحباب
مكتوب في قلب السعودي كتابـه
لامن خذا يومين في دار الاجناب
ما يهتنـي حتـى يقبّـل ترابـه
|