السلام عليكم ورحمة الله وبركاته ..

متواضعه . لعلها تشفع للغياب .

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
وقف حظ الشقى دون القا يابابه المفتوح=ياليت الحظ زان ولا تعثربي على بابه !
لو انه قدر اقلوب ٍ من العشق . القديم تفوح=وقف مثل الشجاع . اللي يرد الحق لصحابه
لكنه ما تجمّل . لو ماله فالردى مصلوح=تغدّى بالوصل وللي بقى منه ايتعشابه !
وصرت اراعي ابروق الخيال اللي بعيد اتلوح=واصب الصبر فدلال الامل ثم اتقهوى به
واقول . الحب .. فطره فالبشر يبقى ولاله روح=وموته موت قلب ٍ يسكنه ويموت باسبابه !
ولا يعرف مكان . ولا زمان . ولا يهاب اجروح=ولاله عمر ٍ امعين ولاله حد ٍ ايهابه
واقول . لمن غلاها بانيٍ وسط الخفوق اصروح=تناظر كيف احفظ الها الغلا وقوم واجابه
ولو البعد عنها حدني والله لجي و اروح=ويبقى حبها الحب الوحيد اموت وحيا به
ابا سوق القدم في دربها . وانا بعيد الشوح=واشوف الصبر وين ابينتهي بي فيه وبدا به
وابا اكتم حبها فالقلب . لو راع الهوى مفضوح !=وابا دزه لها ترتاح به . ولاّ تلهّا به
حلاة الحب . تكمن في عذابه والغلا مشفوح=يموت الي يحب . بدرب خله يشعب اركابه ![/poem]