[poem=font="Simplified Arabic,6,darkred,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياوزير المال تكفى كـان عنـدك حيلـه=شوف لي عندك خبيرٍ يستطيع إرشـادي
ينفذ المصروف مني بعـد عاشـر ليلـه=وباقي العشرين في صبر وضنك واجهادي
راتبي سته ومستاجـر وعنـدي عيلـه=واسرتي عشره من الجنسين وانا الحادي
وارتفاع اسعار الاشياء عندكـم تفصيلـه=الزياده مذهله والوضـع ماهـو عـادي
والتجارة عن هموم الناس فـي تعسيلـه=خلت أمر السـوق للمحتـال والمتمـادي
يرفعون ا لسعر فوق ويبخسـون الكيلـه=والغلا الفاحش من الممكـن وراه ايـادي
والمحلـل وش يحلـل ضايعـاّ تحليـلـه=سندوابه بطـن وادي واحدروبـه وادي
وانت يامن يشتكي لي حالته وابكـي لـه=فوّض امرك للكريم وخـل جـوك هـادي
لايهـمـك لا فتتاحـيـه ولا تقفـيـلـه=اترك السوق بخوافيه ان نقص ون زادي
كنت اهيجن كلما النفـط ارتفـع برميلـه=فرحة به واحسبـن المستفيـد ابـلادي
مادريت ان السعه والخيـر فـي تنزيلـه=والسنين اللي مضت لي كنت فيها غـادي
ينخفض ويعـوّد الـدولار سيـد جيلـه=استفيـد وتستمـر الفايـده لحـفـادي
ياوزير المال هل للوضـع مـن تعديلـه؟=قبل ترخص ذمتي من شان عيش اولادي[/poem]