متواضعه اتمنى ان تجد القبول ...



[poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
على مركب خيال الفكر يا عذب اللمى سجيت =سرابي هاجسي والشوق يامرني وينهاني
على طاريك ياما استسلمت روحي لسبك البيت = وياما هاجس الذكرى على طاريك ناداني
وياما كم على طاريك قلنا في خفى يا ليت= يجازى كل راع احسان مع طاريه بحساني
وليف الروح يا ليتك تذكرني ليا مريت = على ذيك الحروف الي كتبها نبع وجداني
حروف ٍ من صميم الذات وقسم لك بـرب البيت = تذكرتك فعل ماضي قديم وثار بركاني
ليا مني ذكرت انك على درب الهوى ما اوفيت= ذبل ورد الغرام ومات لو مالت لك اغصاني
اخذت القلب والتفكير قلي وش بعد خليت =سجين الفكر هايم ون بغيت النوم ما جاني
ابي حلو المنام وذكرك احيا كل عرقٍ ميت= اذا للنوم سلطه فا انت حبك صار سلطاني
اسج مع البشر وان جيت ابيلي شي ما ناديت= ادور حاجتي بشويش وانت اسمك على الساني
نقشت اسمك على صدري بدمي لين جاله صيت= واضّيع فيه لا ناديت لي واحد من اخواني
احبك والمحبه شي فطري بس ماضنيت= ليا ساقك حنين الشوق للرجعه بتلقاني
انا مثل السحاب ان جيت كلي بس لا صديت = قعطت الوصل لو جرحك عظيم وبالحشاء باني
ما عاد يهمني فــ الامر واحد رحت ولا جيت = اخذ راحتك حتى لو تعاشر واحدٍ ثاني
تبي زبدة كلامي يا عديل الروح لو لفيت= على كل القصيد الي كتبته وانت عنواني
تشوف اني معك مخلص حقيقه ونت لا قفيت = اعز النفس لو حبك تمكن وسط شرياني
تراها اكبر مصيبه في هوى الخفرات لا حبيت = وسلمت الخفوق لمن تحبه واصبح الجاني
وتراها اكبر مصيبه زود لا اخذت الجفا واعطيت= حنان الوصل في درب الوفا مع واحدٍ خاني
[/poem]