مستور الذويبي

بدون مقدمات ..

احب ادخل بالوضوع على طوووول << عملي

بدون ألوان ..وصور ..لأني وببساطه شديد ماأعرف انقل صوره <<الله لايبلانا

نبتدي منين الحكايه ..منين منين يابو شاهر..؟؟!!

والله محتار لكن الله المستعان ..



غلاب عايض :

لأول وله ترى هذا الرجل لابد ان تبتسم ..عادة أصحاب الأوزان الثقيل يعطيهم ربي روووح مرحه ..
في البدايه كان رسمي نوعا ما ..لكن سرعان ماتحول إلى الشكل الطبيعي ..ورااااح يسوق التعليقات يمنة وبسرة <<ركزوا على هذي العباره
حررررريف بلوت
شاعر مليء بالاحاسيس ..
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الشعر دلّه والاذاني فناجيل =معطره بالهيل والزعفرانا
واللي ماعنده للقصايدمعاميل= يرتاح ويخلي شقاها علانا [/poem]

محمد رشيد :

هادي لابعدمدى ..لمّاح ..مبتسم ..يسمع أكثر ممايتحدث ..كان فرحان بقدومنا ..

ماأسعفه ارتباطه بالسهر معنا لكن عوضها وجانا صبح<< ياااالله صباح خير ..
عرفته من قبل وحبيته ..وزادت محبته أضعاف ..ماسمعنا من شعره شي ..وهذا أحد عيوب أبو مالك مايحب يقول شعره ..

محمد بلال :
هذا الرجل ماكنت أدانيه بالمنتدى ..أحس إنه شايف نفسه ومتكبر ..ردوده مقتضبه <<صح لسانك وبيض الله وجهك
قابلته ..وجدت شخص آخر آآآخر وربي بشوش ..هاب ريح ..قليل الكلام لكن إذا تكلم جاب الزبده <<قصدي العيد
كان سعيد جدا بقدومنا ..والفرحه ماهي سايعته <<حلوه سايعته
ابتسامته مشرقه كالشمس ..
لم يسلم من أكبر آدمي وتعليقاته ..لذا كان يحمرّ وجهه بين فينة ..وأخرى ..<<من قال: (حوبره وماأدراك ماالحوبره )

ماسمعت من شعره كثير<<قال أيش ماني حافظ !!

نادر العنزي :
شاب في مقتبل العمر ..لكن بعقليه خطيره <<< قولوا ماشاء الله ..
هادي ..متزن في كلامه ..واضح في تعامله ..كان محط اهتمام من الجميع ..حلل شخصياتنا ..كان قريب لدرجه كبيره من الصواب << أتحدث عن نفسي طبعاً ..
سوالفه ماتملّها لدرجة إني كان ودي يقعد يسولف عن تجاربه مع تحليل الشخصيات الليل كله ..لايخلومن المرح رغم طابع الجديه في تعامله ..كان سعيد جدا بتواجده معنا ..وكل مره يقول ياشباب زوروني في تبوك ..ابشر يانادر بمشيئة الله نزورك..
مقبل الحربي :
تحبه من أول نظره ..سلّم علي كيف حالك يابوشاهر ؟ <<ماعرفته ساعتها ..وانحرجت أسأله <<بشويش يامهم ..
تأملته ..رايق ..قليل الكلام لكن مايجيب غير درر ..صوته أخاااااااذ ..وشعره بعد ..انتظروني في تعاون قريب معه ..حبيته وتمنيت لو عرفته من زمان ..
كريم ..يتحمّل من غلاب الشيء الكثير ..ومدري وش اللي مصبره عليه << يفتن بينهم

محمد مصوي :

أعرفه من قبل ..حديثي عنه كثير ..أحبه لدرجه إني لم أجد من الكلام مايوفيه حقه .. هادي المضهر لكنه إذا تحرك يثير الصخب ..لاتكاد تفارقه ابتسامته المشرقه ..يجي متأخر ويروح بسرعه ..

ومع هذا كله مزعلني باللي يسويه بمحمد قطن << ولا يهمك يابو قطن نحن معك

فالح المصعوك :
حبيب قلبي<<عزل عفيف .. كان بجنبي ..أول مره أقابله لكن والله كأني اعرفه من زمان ..شااااعر ..تتعب وأنت تقول شاااااعر كتلة أحاسيس ..راقي في تعامله ..مهذب ..إذا تكلّم تنصت له غصباً عنك ..وإذا ألقى شعر اللهم لاحسد ..
الوكاد إنه أحد مكاسب هالاجتماع وبس

تركي عبدالله :

وماااااأدراك ماتركي عبدالله ..

الأنيق ..المبتسم ..الهادي ..الكريم ..الشهم ..مافارقته كلمة (مرحبا) من وصولنا لحين مغادرتنا كان مشغول بالاحتفاء بنا ..وسعيد بقدومنا أيما سعاده ..ماكان وده نروج ..لنظراته طابع خاص في نفسي ..يلقي شعره بإحساس ممتع ..ممتع .. لدرجة إن ودك تسمعه على طول ..

عبدالله الرقيب :
الله ماأحبني فيه ..أعرفه من قبل ..ومحبته ماعليها جدال ..هادي ..مستمع جيد ..عايش الجو معنا ..وشايل هم الامتحان << وده إنا جينا في غير هذا التوقيت ..ومن حرصه على الجمعه كان معنا .
شاعر جميل ..وشعره له خصوصيه عندي بالذات ..

باقي كم ؟

أووووووه اهم اثنين بالرحله << طبعا من أعضاء المرقاب

المشاغبان ..لا والله مدرسة مشاغبين

ضيف الله الغنامي :
الصحفي المشاكس ..يحب الكيمره على قوله بشكل كبير..ويقول لاتحرجوني بالتصوير <<وهو في كل صوره طالع
أعرفه من زمان الرياض ..وماأجمل ذلك الزمان ..ترتاح له من أول وهله ..لاتملك أمام تعليقاته سوى الضحك بكل ماتملك من قدره ..جاااااي يفرغ تعب الامتحانات ..ونيس ..ووكله ملحح وقبله
<< هذي جايبها من الكويت خصيصا لضيف الله
كل شوي يقول بروووح لعفيف وماراح ولو راح خربت الرحله ..,وآخر واحد راح هو ..ولو مادله محمد قطن على طريق السيل كان ماراح مره
محبته لايختلف عليها اثنين << رفع معنويات

محمد قطن :
الرائع .. المرح ..يصنع من كل المواقف ابتسامه ..حتى من الشعر ..مشاكس لابوطيف ..وبينهم مساجلات راااااائعه ..كانت متعة الحوار فيها غير عاديه ..راقي في تعامله متى ماأراد
شكل مع ضيف الله ثنائي مرح أضفوا على جوالرحله طابع مميّز ..ماسلم من مقالب أكبرآدمي ..

من خارج المرقاب ..
نواف :

مصور الرحله ..حيويه ..ونشاط سعة صدر ..راقي في تعامله .. هاب ريح ..أححرجنا من كثر ترحابه وحفاوته..ماكان وده نروووح ..سلامي عليه كثير السلام

عبدالله :
شاعر جميل سمعت منه قصايد جميله ماهو بمهتم بموهبته الشعريه ..هادي في تعامله يحب يسمع شعر .. لاتمل مجالسته ..باقه ورد له

رشيد :

نسخه بالكربون من خاله ..أبو مالك.. رايق ..مبتسم ..ترتاح له من أول مقابله ..

عليه مني كثير السلام

سلطان :
الأنيق ..الهادي ..مبتسم وحبيب .. ماطالت الجلسه معه لو طالت عرفته أكثر ..

سلامي عليه

وسلامي عليكم جميعا ..اتمنى إني ماقصرت مع أحد ..
تنويه : ماكتب آنفاً انطباع شخصي يحتمل الصواب والخطأ ..فعذرا ..

للجميع محبتي

عشرين عام ..وماتغيّر ولاشي!
نفس الرسوم اللي على باب دارهـ
حتى شبابيكـ التلاقي كما هي!
النقش ..وألوان الحشب ..والستارهـ
معقول ياقلبي قديم الهوى حي!
بشّر ..وأخذ مني كبير البشارهـ