[poem=font="Traditional Arabic,5,black,bold,italic" bkcolor="transparent" bkimage="" border="none,4,gray" type=1 line=1 align=center use=ex num="0,black""]


البارحه ليل المسافر / ضاق بعيون الدروب = حتى شكت كل الدروب البارحه ليـل السفر

ماعاد للخطوه مكانّه / لاشمال ولا جنوب = الصبح طول في قدومه / ياعذاب المنتظر

سود النوايا استوطنت ترنيمة/ الوجه الشحوب = حتى استوى موالها / وغنى ورى ضلع الصـدر

فكرة عبـوس الوجه لو بديتها / ماهي وجووب = لابد تقصر بـ الهقاوي ... لو ضحك وجه الدهـر

وانا على ما صار بالرحله .. ترى كنت محجوب = ماعاد لي في مامضى !! ياكود وجهات النظـر

يكفيك من قلبي عرفت / أني على الظلمى مغلوب = وكيف الظلام يصيح في ..وجه الصبـاح المنتصر !!

في رحلة الاوجاع / تبدا مرحلة جرح القلوب = في نشوة العاشق غلا .. حطـّت رحاله في قبـر

وماللغلا أمر ٍ على / راعيه لا صار مغصوب = ياللي أخذت بـ طاعة الاعمى / ومطعون الظهر

بسألك عن صدق النوا !! وقلب ٍ يسج بـ كل صوب = وأسألك عن حلم ٍ غـدى ..عطفـه خـّداع ٍ للبصـر

ليـه : الحياه تصفق بكفين / لـ / للـسان الكـذوب ؟ = وليـه : القلوب الطيـبه صارت ...مثل صم الصخر ؟؟

وأسألك وش معنى الوفاء !! يموت بأسرار الغروب = لا صار وجهك يالصحيح / ان غبت ما جاله فجر

من ينصف أشواق الغلا ... من قلب عيا لا يتوب = ومن ياخـذ بـ / ثار المحب !! اللي فقد فيك الصبر


والحب لو ذنبه تعدى .... بالحجـم كل الذنووب = استغفر الله من ذنوب الحب / في بعض البشر

يبقي العزاء رحمه على / قلب المسافر لو يذوب = لاضاق صدر الآجوبه / قل للمسافر ذا قـدر......!!


[/poem]