السلام عليكم ورحمة الله وبركاته

[poem=font="Simplified Arabic,6,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
شعري سلامة خاطرك والاحاسيس=وشفيك طالت غفوتك صار كم يوم
قم لاعدمتك عوذ بالله من ابليس=فيض المشاعر ماصحى بك من النوم؟
نزفي أردّه عن بياض القراطيس=ممزوج بين الشوك وازهار يشموم
خلطة مشاعر دون فرز ومقاييس=لو تندفق في صفحتي صارت عْلوم
عطني بولّع من جديدك فوانيس=وابدع جديد القاف والقصد مفهوم
عطني بفصّل فاخرالحرف واقيس=من خاطري ماهوب ملبوس واهدوم
لاجتني العطله تثير الهواجيس=ويثور حزنٍ بين الاضلاع مردوم
ماعاد أبي شيله ولابي مراويس=ودي بجوٍّ بين وديان وارجوم
بعيد عن بعض العرب والجواسيس=واكتب على ماجاز لي وابعد الحوم
واجر موالٍ يثير الاحاسيس=تصحى عليه الصم والبكم وتقوم[/poem]