.
[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
ياصاح قبل يوقع الفاس بالراس= تعال أبي منك لما صار تفسير
الدمع ماهو بس للحزن مقياس=حتى من الفرحة بعد يمكن يغير
وللصدر فودٍ غير تكرير الأنفاس=إحبس نفسك شوي / وتشوف شيصير
وناظر بمن حولك من أشكال وأجناس=وفكر ترى الأوضاع تحتاج تفكير
تصدق .. إن مجامل الخلق يحتاس؟=وتصدق .. إن ماللتبسام تأثير؟
وتصدق .. إن الناس ماعادت الناس؟=وتصدق .. إن ماعاد للصدق تقدير؟
وإن قلت لي .. حنا بشر نملك إحساس !!=أقول وقتك غير .. واللي مضى غير
حتى الرفيق إن جاك من صدته باس=تعاتبه ويقول لك / " خير يا طير "[/poem]
.
|