للتواصل وتقبلوها كما جاءت


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]

قدي قميص الصبر ياعوج الاضلاع = وتحرري من ضيقتكـ واسعفيني !
القلب ماله عن محانيكـ , مطلاع = لو فز من شوقي وزايد حنيني !
اختار سجنكـ , والـ / اوامرك مطواع = رضى بواقعه التعيس ونسيني !
حاولت اصده واعذله مير ماطاع = ماكنه اللي فالهوى مبتليني !
مرت عليه اهمومه اشكال وانواع = ولا اروى ضماه اليا ضما غير عيني !
احلامه اغلى احلام / واطعونه اوساع = واللي بقى له من أمل حاجتيني !
ماتنّسي (ذكرى )اللقاء غير بوداع =من حرّها تاثيرها بان فيني!
من راحة اليمنى ليا راس الاصباع =ماكنها الا جمرة ٍ في يميني !
لو مالها مصياف عندي ومرباع = وقفت على درب العنا تحتريني !
ودي على تغيير شي امن الاوضاع =ولاعاد باقي حيلة ٍ في يديني !
وانا على مافيّ من هم واوجاع = اخفي علومي كلّها لاتبيني !
من شان لايبدي ويكشف وينذاع = سر ٍ حفظته بين نفسي وبيني !
وان طاح عن وجه الزمن ستر واقناع = اقطع لساني لو يبيّح كنيني !
ولو الصبر للنفس يشرى وينباع = لشريه باغلى مابقى من سنيني ![/poem]

mrm@mergab.com