[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black""]
عقرب الساعه قتل صمت الثواني = والغياب المنتظر قرَب حضوره
قبل تتركنى على هامش زماني = اسمح لقلبي ..يعبر عن شعوره
كنت شي ..وصرت فجأه شي ثاني =دار دولاب الزمن فيك ..الف دوره
في حضورك كان للضحكه معاني = تخفي طيوف التعب لحظة ظهوره
يوم اجيلك في مكانك من مكاني = اسبق اشراق الضحي لاشع نوره
كانت البسمه ..تزلزلى كيانى = ما استمع فيها ملام ولامشوره
مركبي هايم .. وهى مرسي الامانى = وفي شواطيها بذر حبي بذوره
وابتديت ابدع لها الحان واغاني = ارسم الفكره على مليون صوره
ماعلي قلبي .. يغنيبه لساني = اسبر اغوار الهوى واقطع بحوره
لين ذاب الشمع وسط الشمعداني = وانجرف قلبك ورى نزعة غروره
يامساومنى على (عمرى) ..تراني = ما اطيح من الجمل لو طاح كوره
من شموخى ياخذ ..سهيل اليماني = والزهر ياخذ بعد خنة عطوره [/poem]
|