ذعذع الشرقي عصير ودارت المحاله
وأرزمت بين الضلوع وحنت المقهورة
وانتعش قلب المحب اللي على نقاله
يرتجئ فزعة ولي العرش ثم دكتورة
مرحبا والله بذبذبت الغلا وارساله
كني اسمع فيه صوت وكني المح صورة
موجة ارساله تمثنت مركز استقباله
وهزت اشواق الزعيم بداخل المقصورة
في ثواني هب شرقي الهوا واشتاله
وقامت اشواقه تشوته مثل شوت الكورة
وانتحى تال العشي قدمه يسوق اظلاله
طافحا ً شوقه وصبرة نافدا ً مذخورة
امتلا صدري غلا من جاله ليا جاله
كن من بين الضلوع من الغلا نافورة
اثر راع الحب لو حاول يوسع باله
لارتفع ضغط الغلا ماهوب في مقدورة
لاتذكرت الحبيب اللي غلاه لحاله
خيلت بالدمع عيني وانبهل مصرورة
ليت ذعذاع الهوا دايم على هالحاله
كل يوم يهب شرقي . معه صوت وصورة




كلها درّه ثمينه !


صح لسانك