نايف معلا × مشعان البراق
إبداع غير مستغرب
يابــــو مــــحـــــارب ولــــلإبـــــداع حــــرابـــــه
وأنـتــه مـثــل مـانــي بـحـاشـمـك حـاشـمـنـي
نجـاحـنـا فــــي الـقـلــوب الــســود مـضـرابــه
وإلا الـنــشــامــى تــنــاشــمــك وتـنـشــامــنــي
وأنـا الشعـر ! جيـت أغـرد خـارج أسـرابـه
أعــاشـــم الـفــكــر ، وأفــكـــاري تـعـاشـمـنــي
مـبــدع ، ومـتـواضـع ولـحــدٍ عــلــي جــابــه
ولـــــو بـتـغـيـشـم كـــــذا مـــحـــدٍ تـغـيـشـمـنـي
أفحـل هـل الشـعـر مـانـي حـاسـب حسـابـه
وماهوب من طيـب خشمـه لـو يخاشمنـي
ذكر الفشل لاحضر لي ذكر وش جابه ؟
عـلـى جبـيـن النـجـاح الشـعـر واشـمـنـي !
أنــا زعـيــم الـشـعـر وأنـــا أصـــدق أحـبـابـه
ســحــرت الألــبــاب وإبــداعــي يـبـرشـمـنـي
ومعيـض مـن كثـر مانـي كاسـب إعجـابـه
مـا باقـي إلا يابـو محـارب ( يكرشمنـي )
صح لسانك يا نايف و لا هنت يا القرم
..................................
يانايف بن معلا .. ماني بـ( آبه )
يوم إن عدوانك الغاشم تغاشمني
ماهيب حرب ٍ ضروس وساعه مجآبه
لكن وش اللي حداك لـ.. قافية ( شمني )
كانك تبي تختبرني .. مالك طلابه
ما كل ما يهشم الشعّار .. يهشمني
شاعر ولي بصمتي , وعتيبي اللابه
ماني بـ/ من نسل هاشم لو تهاشمني
ونشمي وأنا أسمي لحاله مجد يحكى به
الشعر ماهو بـ/ كفو , إنه ينّشمني
وراعي الوشم لا بغيته .. ما قفل بابه
أنا بـ.. جمايله أعدّ انه موّشمني
كانه معشّمك .. في شي ٍ تهقوا به
تراه .. في صادق الخوّه معّشمني
عطّرت ردي عليك .. وفاحت آطيابه
كنه يقول لك يانايف .. تشّمشمني !
صح لسانك يا مشعان ولا هنت يا القرم