منتديات المرقاب الأدبية - عرض مشاركة واحدة

15-03-2010, 02:56 AM

.

صوتي

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
لاعرجت رجلي على نايف الصوح=جتني هجوسي من جميع النواحي
ولا غمضت عين الخلي بارد الروح=يمرني ليلي مرور الصباحي
تقول كن الليل جايع ومشفوح=يقلط على صدرٍ ملته الجراحي
ماهيب ضيقة بال يومين وتروح=كبرت علي وخاطري ما إستراحي
أركي عليها دلة الصبر وتفوح=أبطيت أجاهدها بعزم وكفاحي
وكم قلت ياصدر التشكاي والبوح=لايكشف ستارك قليل الصلاحي
من عادتي لازادت جروحي جروح=أنهض إلى من طحت وانهم مطاحي
ومادام ياشايع لك الصدر مفتوح=وعندك وناسة خاطري وإنشراحي
بأعلمك بأيامي الغبر والكوح=وتجاربٍ ضميتها في جاحي
تدري وش اللي يوجع النفس والروح=لاقل مالك والموارد شحاحي
وإعتاز لك من لاقصر عنك الشوح=ثم إقصرت يمناك دونه وراحي
أكبر مصيبة ترث الدمع والنوح= إلى إعتذرت ولا حصل لك سماحي[/poem]

صدى الشاعر المبدع / شايع العيافي

[poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
يا مرحبا ياهاتفٍ جاله نفوح=يذر في قلبي حبوب اللقاحي
يقبل معا نسمة هوى نجد ويروح=أحلى من السكر وسمه ذحاحي
قافٍ على بابي يغني به الدوح=واسري معه سكران مانيب صاحي
سكرة نديم الحرف جغمة وقرطوح=من كاس شعر وحي على الفلاحي
سمعتها من راس وافي وممدوح=أخفها يطعن سواة الرماحي
يشكي وأنا خابره من وقت طحطوح=إلا الى صار الكسر فالجناحي
معذور ومجمل ولو ضاق مشفوح=ما للجمالة حيلةٍ بالشفاحي
الحر يلقالك عن اللوم ساموح=قد شرب فالدنيا هماج وقراحي
يدري ما في شذب الاجاويد مصلوح=ولايرهقك في حاجته باللحاحي
والخبل ما يقنع ولا عنه نازوح=يبرك مباريك الجمل بالمراحي
لو كان عمره يافهد من عمر نوح=والله مايرضى بليا صلاحي
سجل حروف اسمه على هامش اللوح=وإترك مناحا الخبل وش له تناحي[/poem]

.