السلام عليكم ورحمة الله وبركاته

مع التحيه والمحبه ابيات تعبر عن نفسها
وكل جمعه وانتم بخير ..




[frame="9 70"]
[poem="font="Simplified Arabic,4,sienna,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا عيوني هالبحر مرويك من درّه ولوله=علقي على حجاجينك غلا .. لوله ودرّه
ردي المعروف بالمعروف بالصدق العموله=سيلي دمع السماء نجمه من حدود المجره
دمعةٍ ما حوّلت لله ورى العز معقوله=وحرةٍ ماهي على فوت العباده برد حرّه
أي نعم مذنب ولي فالذنب كم صوله وجوله=أي نعم عانيت لين افنيت عمري فالمغره
اتهادى فالهموم وكل غم اموت حوله=وادفن احساسي بقبر الذنب واحاول ما امره
قافلة ذنبي شداد و وحبل جمّال وحموله=والطريق اضيّق على ظهر الخياطه والازره !
ما بقالي ورد في صدري ما يشكي لي ذبوله=والسنابل سنبله صفراء وسنبلتين بره
اسبعي والا اثمني والا اتسعي ماهي رجوله=اني اسيّر بحزني في مساحات المسرّه
من هناك الى هنا يارب غفرانك وحوله=العمر مره وذنبي عاشني مليون مره
ما قدرت وما عرفت وما ذكرت اللي باقوله=مروا الركبان في قلبي معاذير ومضره
لوحت كل الدموع وصارت الخطوه عذوله=البحر فارد يدينه والحزن حضنه مقره
ما لقيت من السكينه فالتمادي ربع توله=كيف ابلقى سكر الايمان وسط اجواء مره
ما لقيت من أسهل الاشياء غير اسم السهوله=اصعب الاحزان يقبل خيلها في كل كره
في هوا نفسي وجلد الذات حققت البطوله=وفي حقوق الوالي المعبود ما حققت ذره
يالله اغفر لي بعد ما جيت لك رجلي عجوله=سبتها ماهو بحر وساقها ماهي بحره
معتصم بالعفو منك وطالبك يارب انوله=انت يا قادر ويا معطي وعالم كل جره
مذنب ومغمور جبت من البحر درّه ولوله=وان رجعت الى البحر يارب لولوه ودرّه!
[/poem][/frame]



..ـــ وسلامتكـ//م ـــ..