بعد التحية

تقبلوا هذه المتوااااضعة ::

[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]



يامقفي.. كفاك الصد... من ساعةالترحال=ماهوب حق تلحقنا ..الملام و..تعاتبنا
لولا موقف الحظ الردي.. وأهل قيل وقال=ماحنّت على ريع الموادع .. ركايبنا
رح الله يسمح طرقتك،، والدروب طوال=ولا باقي الاّ طالبك لاتوادعنا
لقانا لتوديع المواصل.. ماهو بوصال=ياما نبرة أحزان الموادع تتعبنا
سقى الله زمان ٍ.. حبنا فيه له منزال=على مرقب ٍ.. من حوله الأنس يرقبنا
خذينا على رجوم الغلا ..طلعه ومحوال=وهبت عليها بالمواصل ..هبايبنا
أقول: الهوى.. غلاب ومفارقك قتال=وتقول: الوناسة ..جعلها ماتغايبنا
أغامر.. وأسامر.. كل ليله قمرها إهلال=وأجيك اطوي البيداء.. لو البعد يبعدنا
أفاجيك.. وأناجيك.. ليل ٍ سكونه طال=وتقول: أنت متحمس.. وشكلك بتنكبنا
هذ يوم حبك جمة.. وسكتي مدهال=والأفراح تقرانا.. والأشواق تكتبنا
خذينا من دلال الغلا ..الذاعرة فنجال=قناد ٍ ليا أضمرنا ..المواصل يقندنا
وذا اليوم حبك طاري ٍ،، ما وراه آمال=وماضي بلا حاضر.. وذكرًا .. تعودبنا
على صفحة ٍ مطوية وموعد ٍ.. لازال=ياكم نوعده ننسى ..ولا جاء في موعدنا
يقولون : من له حيلة ٍ في الهوى يحتال= وأنا أقول : صك الباب .. وش عااااد في يدنا
لنا الله ياحب ٍ بقت جثته.. تمثال=جسور الهجر تُبنا.. ولا الحين .....ماتبنا
بكت جارة الوادي ،،،، على ساعة الترحال=وغبنا.. ومجروح الهوا.. ميت ٍ..... غبنا[/poem]
وسالميييييييين