[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=1 align=center use=sp num="0,black""]
مات في داخله حيّ الضمير=وأزعج الناس بـ.. اللي يكتبه
عاش عمره لنزواته أسير=كل شيطان يقدر يركبه
ابتدا صغير وبـ.. يبقى صغير=لو غزا الشيب دقنه واشنبه
ما كبر شي الاّ مْن (الكبير)=بـ.. أمن وآمان ننعم .. بسببه
يا ( ........... ) لاتطير=السما غيم .. والقاع احدبه
قول لك خير والاّ اصمت .. بخير=العمر عين والذنب أتربه
سن الانسان لو يطول قصير=كل رِجْل ولها يوم .. اعتبه
لو من الفقر تفرش لك حصير=طير سنجار يِشبِع مخلبه
لاتكون لـ.. فكر غيرك أجير=عزّة النفس تكسرها هبه
لا تحابي معازيبك كثير=لايشبّه عليك وتشتبه
جيب لك شيّ لليوم الأخير=عند من كل خلقه تطلبه[/poem]
|