السلام عليكم ورحمة الله

هذه محاروة جرت في منطقة القصيم بين الشاعرين صياف الحربي رحمه الله وسالم بن عوض المخلفي الحربي
ارجو ان تنال رضاكم واستحسانكم.


سالم المخلفي

سلام ردية عـدد ماهـل همـال المطـر
مثل ماقالـوه الرجـال مفقـده ومنقـده
دام الشرا والبيع وسط السوق أنا ليه نظر
والمرجلة توفيق ياأهل العلم ما هي محددة


صياف الحربي
يامرحبـا باللـي يكلمنـي ويعطينـي خـبـر
لا صـارت دروب الديـار محـدرة ومسنـده
ياراعي السيف الحدب والبشت والثوب الخضر
عذبتني واللي معـك ثنتيـن مـدري وحـده

سالم المخلفي


ابك البقا والعلم قالوا لي يزيد عن البحـر
واللي يشوف الدرب ما عنه الدروب مسدده
أنا أدري إن النجم الأزهر لامع وزن القمر
ما الله المعبود ، واسهيل اليماني ما أعبده


صياف الحربي

ليلتك هذي مثل ليلة عشر واربع من شهر
يازينها لكن بعض مـن الرجـال مقـرده
الشاوي اللي ما دخل بيته لا سمن ولا تمر
لا يلتفت يم السما من شان برقه ورعـده


سالم المخلفي


صياف راسه ممتلي والصدر مليان ظفر
هذا يجيه بقوة اليمنى وهـذا يشحـده
أبواب نجد مفتحة وأنته بشر مثل البشر
لكن يا كثـر الحبـال محللـة ومعقـده

صياف الحربي

النجم أبو شعله يسر العين يوم أنـه ظهـر
والبدو لا طاح المطر كل ركض له بجهـده
لا تدعس البنزين ياسواق ويطيـر الكفـر
والقاك في ظهر السرير وتحت راسك مسنده

سالم المخلفي

صحيح مار المشكلة من راي أبو زيد وعمر
كـل يقـدم حجتـه ويقـول لـي مسنـده
ترى الحذر ما قط ياصياف فك مـن القـدر
ما أكثر العربان يلقى له صحـون مبـرده

صياف الحربي

طارت عيون الناس فوق إن كان ما ربك ستر
لكـن مـن رايـي تخليهـا علـوم مجمـده
أكلت لك حبة علاج وعودت علة نحـر
وأنته تعانـد مثـل هـاك العالـم المتعنـده


سالم المخلفي


ما لي ومال الناس بعض الناس يعبد له حجر
مـار الجمـال مرسنـه برسانهـا ومقيـده
البندق اللي ما تفك مـن الذيابـه بالخطـر
ماتنقل وبيـوت أهلهـا كـل يـوم مهـدده

صياف الحربي



أنته تصوم السبت والاثنين وتحل الفطـر
ليتك ما حليت الفطر بالكلمـة المتـردده
العام نسكن فالدير لو إنها وقـت ودهـر
واليوم من كثر الرمي حتى السباع مشرده


سالم المخلفي


أنا ما صوم إلا الصيام المعتبر يـا معتبـر
واللي نزل في طاعة المعبود ما أنت مشدده
العام ياصياف كن الناس تشرب من نهـر
واليوم حتى اللي حلاله قرش قـام يعـدده