[poem= font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياأهل قويزه عسى الله يرحم الميّتين=ويعوّض بخير للي راح ملكه دمار
قدره من الله لكن لاتحرجون الأمين=تراه معذور لو ماهوب منها مجار
لو يقدر يردّ منحى العايره بااليدين=وقف لوادي مريّخ طول هاك النهار
لكنّ والله ماألومه والعرب شاهدين=مادام منهم على شاكلته إلهم قرار
ماهوب واحد ولاإثنين ولاهم بأربعين=في مجتمعنا الخيانه من خلاف الستار
هذا خطا مجتمعنا كلّهم غافلين=لين الحنادي تعلّت في وكور الحرار
أكثر مناصب بلدنا فوقها جالسين=اللي تقول إنّ يمنى الرجل منهم يسار
حتّى سلام الله تقول إنهم مستحين=لاينطقونه على مواطن بدون إعتبار
واللي ينصّب بصدفه بس ذرف اليمين=وفي صدره المرحباني للمواطن مدار
جامع علوم الوفا والطيب دنيا ودين=ياسرع كرسيّه ليا لفّ به وإستدار
رموه بإسم التقاعد ماخذا له سنين=لأنه يقدّر ويعْرف حاجة أهل الديار
وحطوا مكانه مثل غيره غضيب الجبين=يعني بهاالوضع مانستآمن الإنهيار
ياحارمين أبو نيّه كيف أبو نيّتين=تستامنونه وترجونه يحفظ الوقار
اللوم للي على تنصيبه مخوّلين=كبار لكنّ ماهم باالكبار الكبار[/poem]

n.s_alotaibi@hotmail.com