|
عيون القطط ياكثرها وانت ساري !
اخواني اخواتي الكرام
السلام عليكم ورحمة الله وبركاته
ارجو ان تنال رضاكم وتشفع لي في قلة تواجدي
[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الشحن جاري كان منته بداري =من كم سنه والناس تاكل بعضها
في زحمة الانفاق تحت الكباري=شف لك طريقٍ سالكه واعترضها
مالك ومال اللفلفه بالحواري=ابتل وحدد وجهتك وش غرضها
عيون القطط ياكثرها وانت ساري=على شعاع النور تلمح ومضها
مايستوي ممشى المدن والصحاري =لو يستوي طيب النفوس ومرضها
احدٍ تشوفه من بعيد انتحاري =واحدٍ مع الحيطان رجله عرضها
بضاعة مابين بايع وشاري=لاخالفت دور على الله عوضها
وان طحت في فكرٍ من الدين عاري=جنب وخل فروضه اللي فرضها[/poem]
الصديق اللي معه تحلى الصداقه=غير اطباعه بلا ذنب وخطيه
الله اكبر عقب هذيك العلاقه=عقب ماكنا سوى صبح وعشيه
دارت الايام واعثت فالرفاقه=لين كلٍ صار مايذكر خويه
ودي ارسله مع الاشواق باقه=خمس ورداتٍ حمر في مزهريه
لني اوده ولا ودي فراقه=قمت افتش في ملفات القضيه
|