صبحتوووا بالخيررر





[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سلام يا . . . من الراس للراس = اغلى تحيه من خفوق العطاوي
تحيةٍ من قلب وشعور واحساس = تنصاك ياشمعة عيون الشقاوي
مرت ثلاث شهور والقلب منحاس = من غيبتك ماعاد اغن الغناوي
وهذي رساله عاجله فوق قرطاس = والحبر فيها دم قلبٍ هواوي
القلب من بعدك ترى فيه وسواس = والهم صاير فيه سارح وضاوي
وفي الجروح كثار من غير مقياس = شوفي بعينك ماتفيد الشكاوي
ماكني الا عايشٍ دور جساس = يومه جلى واصبح وحيد وجلاوي
في صحصحٍ مافيه زولٍ من الناس = مافيه غير الموت والذيب عاوي
ولا كما طفلٍ عليه الزمن داس = امه توفت واخلفت له بلاوي
زوجة ابوه تشيّله غصب الاكياس = وتعذبه لاقال مانيب قاوي
هذا جزء واللي بقى بين الاقواس = ما احتاج اوضح ياعيون النداوي
والحل بيّدك والذهب ماهو الماس = ياسيدة من يلبسن الغطاوي[/poem]



! ! !