منتديات المرقاب الأدبية - عرض مشاركة واحدة

#1 07-04-2010, 11:30 PM

نص أقل بكثير من مايجول في خواطرنا بوفاة

العميد / عطالله الفرحان السيحاني العتيبي

رحمه الله رحمه واسعه وأسكنه فسيح جناته

وهو والد الأخ العزيز ( طلال السيحاني )

,

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
عواصف الحزن تكسر كل ضلعٍ متين=لاهي تهاب الشجاع ولا تروف بـ.. جبان
جتني ومعها الألم .. جتني ومعها الأنين=وخذت مابين الحنايا وسط صدري مكان
معَ شهيقي تزيد ومعْ زفيري تبين=فقدت منها شعوري بالأمِن والأمان
و لي عين من شوق تبكي وعين تبكي حنين=للّي خذته المنايا ساعة الصبح بان
قالت تراك أنت وأيامك معي راحلين=ودّع .. وسيرتك تبقى ماطواها الزمان
طيّب وباكر بـ.. يبكي فقدك الطيبين=لكن عزاهم مصير المسْلمين الجنان
يبكيك محراب تسجد فيه قدلك سنين=وخطواتك لـ.. مسجد ( القطعه ) وصوت الأذان
وبيتٍ هَلَه ماتوا بـ.. موتك وهم عايشين=حسّك ملا كل ركنٍ فيه .. عطف و حنان
كبْروا تحت عينك صغاره بنات وبنين=وأصبح لهم من كيانك كل واحد كيان
وحديقته ذابل بْها الفل و الياسمين=وغصن الشجر طاحت أوراقه حزينه / ولان
وأبواب ديوانك المفتوح في كل حين=مجلس شرف يدخله من كل مربط حصان
وجميع من يسكن بجنبك يسار ويمين=كل اللي قاصرتهم فـ.. (الأحمدي ) و ( العدان )
وقبيلتك كلها .. برقا وروق أجمعين=ورْجال ( عدنان ) يبكونك .. وتبكي (اقْحَطان )
الله عطا .. يا ( عطالله ) .. وان خذا صابرين=لو لك في وسط الصدر قدر ومحبّه وشان
واسمك في وجه المعزّه والطهاره جبين=يمناك بالخير وفعولك شهود العيان
عساك من صالح أعمالك مع الصالحين=وتختار فـ..أبواب جنات النعيم الثمان
تصبح مع الأنبيا .. وتمسي مع المرسلين=ولك بين صحبة أبو القاسم محمد مكان[/poem]