ياللي تشكيت من فرقى وليفك وفي حبه تهيم
وتقول نفسك بعد فرقاه ماعاد شي يحلالها
تشكي ودمعك يذكرني على حالة الطفل اليتيم
معاد تقوى على الفرقى ولاظنـتي تحتالها
وقول يامصغر اهمومك ويامكبر الجرح الليم
اللي خفيته ونا مشكي ونفسي جهلة احوالها
ياهيه وفر دموعك وفهم اللي بصدري ياغشيم
وسمع كلامً يهز النفس ويزيد في غربالها
وفر دموعك وفكر في مصيرك وباليوم العظيم
وذكر مصير البشر يوم القيامه وكبر اهوالها
في يوم تبعث بعد موتك ولو كان لك عظمً رميم
والناس تحشر وعينك ماتشوف البشر وزوالها
الله وكبر وكلً عاريُن من رجال و من حريم
نمشي بذل و مهانه والخلايق يزيد اهبالها
اتشيب روس الاوادم يالمعُنى ويشيب اللي فطيم
والكل مشغول في نفسه يحاتي بما يجرالها
تـنسى البشر ونت في حالك وصدرك من الفرحه عديم
ونفسك حزينه وعينك من بلاها لفى همالها
تطلب نجاتك ولاهمك قرايب وبك حالً سقيم
ومحدً يهمه خوي العمر والام تنسى اعيالها
في صفحتك تعرض اعمالك وفعلك على الوقت القديم
وين المفر دامها تشهد يمين الجسد وشمالها
والله ماعاد يطرالك تهامه ولاروضة خريم
من هول ماشافت اعيونك حقايق ولا ايورالها
وتقول ياليت عمري راح مابـين زمزم والحطيم
في طاعت الله والجنه تـبـيـها عساك اتنالها
وقول ياللي تهل الدمع محدً على الدنيا مقيم
وفر دموعك ولاتحزن وخل العرب في حالها
واخر كلامي طلبة المغفره يوم نبعث يارحيم
في يوم كل البشر تسئل وتعرف جميع اعمالها
/
\
الله الله الله ع الإبدآع والجزآله يآ محمد وصح الله لسآنك عدد حروف أبيآتهآ والشهآده { ميته } يآإبو جآسم وفإنتظآر المزيد يآغآلي !
|