[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قلت الوعد قالت اذا ازهر التين= اصبر وتطلع زهرة التين نص اّّ ب!
قلت ازهرت قالت صحيح ؟ ازهرت وين= قلت بشفاتك قالت اثرك نصاب!
ما زال غض ويشتكي قسوة اللين= ما لذ لا ها الحين طعمه ولا طاب!
واجمل شهور العام للحب / تشرين=تشرين شهر الحب /وابريل كذاب!
يا شجرة الدراق / للتين عامين= ما ازهر وانا ارضي طين والماء منساب!
فلاح عشق تلاحقه لعنة الطين=واصبح ضحية عربدة ماي وتراب!
هو ينتظر برهة على ما تقولين=والا يحذف الفاس ويقفل الباب!
وش حيلته لا صار بين الامّرين= الصبر خنجر موت / والتين جذاب!
والفاكهة تملى سلال المحبين=والسلة اللي في يده هجر وغياب!
يرسم من احلامه قصور وبساتين= ويغزل من ايامه جلابيب وثياب!
فا الليل يلبس من ثياب السلاطين= وفا الصبح ما يلقى من الليل جلباب!
يا شجرة الدراق من يأمن التين= يزهر ويقفل حارسه دوني الباب!
[/poem]