[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]

السلوم القديمه .. روحتها السوافي !=والليالي خذت .. و العمر كفى و وفى

كل هافي بعد ( هفوّه ) عوّد سنافي=و السنافي .. بعين الهافي اليوم ( هفى ) !

جارك الله يا سلم القبايل و كافي=نارك أفـ ( كل ليل ) يشبها القرم تطفى

شب ّ في صدر من لا قال له قول يافي=و زبنـه ! زال هو لك حي ّ .. و لا توفى

سير الأجيال جوّه .. و أن بدى جيل صافي=و يتعكر .. مسير الجيل الأول و يصفى !

إختلف و جه الأيام .. و لـ ( حقك إختلافي )=و إنتزع عمتك من لا يعرفك و قفى

جاك و ألحق بـ ( حلتك الأصيله ) تجافي=ما رفى بك .. و هو ملزوم يالسلم يرفى !

ما ستحى .. و نتحى عنـْك وترك إمتعافي=لا و لا غار لك يالسلم .. و أوفى و كفى

( التقاليد .. و العادات ) ربان غافي !=ما وعى لين قاع البحر صار إلـْه مرفى

عقب ما كان ستر و ثوب للناس ضافي=جا يبي من يرد .. الستر فوقه و يضفى !!

تحت ظله .. و يترك من غدر به خلافي=و يتعافي .. تحت عين السنافي و يشفى

و أنت ياللي تحسب أن الدعاوي .. عوافي=لا تجي دون هقوة من هقابك .. و تطفى

نارك .. و كل علم ٍ ورّثـه لك سنافي=و تصغر بعينــه .. و يكبر خزاك و توفى !

لا تحاقر .. قدر ( تكفى ) ليا صرت وافي !=تعتق أرقاب .. تحت السيف .. لا قيل ( تكفى ) !!

[/poem]